اگلے 120 دن عمران خان کے لیے اہم ترین ۔۔۔۔ قوم کو کیا سرپرائز ملنے والا ہے ؟ شیخ رشید نے پیشگوئی کردی

اسلام آباد (ویب ڈیسک) وفاقی وزیرِ داخلہ شیخ رشید احمد کا کہنا ہے کہ الیکشن کے قریب مسلم لیگ نون میں نئی صف بندی ہو گی، میں اب نون لیگ کو 2 کے بجائے 3 گروپوں میں تقسیم دیکھ رہا ہوں۔ وفاقی وزیرِ داخلہ شیخ رشید احمد نے راولپنڈی ویمن یونیورسٹی میں نئے تعمیر شدہ پوسٹ گریجویٹ بلاک کا افتتاح کر دیا۔

 

 

 

 

اس موقع پر میڈیا سے گفتگو کرتے ہوئے انہوں نے کہا کہ اداروں کے خلاف زبان استعمال کرنے والے اور جو حکومت کو کمزور کرنا چاہتے ہیں وہ سب منہ کے بل گریں گے۔ شیخ رشید کا کہنا ہے کہ پاکستانی سیاست کے 120 دن اہم ہیں، وزیرِ اعظم عمران خان سرخرو ہوں گے، عمران خان کی قیادت میں ان شاء اللّٰہ تبدیلی لے کر آئیں گے۔ان کا کہنا ہے کہ عمران خان کی قیادت میں مہنگائی پر قابو پا لیں گے، وزیرِ اعظم نے وباء کو بہتر طریقے سے ہینڈل کیا، وہ افغانستان کو بھی بہتر طریقے سے ہینڈل کریں گے، طور خم بارڈر کھلا ہے، چمن بارڈر کو ٹھیک کریں گے۔انہوں نے کہا کہ پاکستان ایک بڑے حساس اور پیچیدہ وقت سے گزر رہا ہے، سیاست دان مغرب کی طرف دیکھ رہے ہیں جبکہ سیاست مشرق سے طلوع ہو رہی ہے۔شیخ رشید کا کہنا ہے کہ 22 اکتوبر سے سیاست میں تیزی آئے گی، وزیرِ اعظم عمران خان بھرپور تیاری کے ساتھ انتخابات میں جائیں گے۔

Sharing is caring!

Categories

Leave a Reply

Your email address will not be published. Required fields are marked *