تارکین وطن کے لئے بڑی سہولت فراہم کرنے کا اعلان ۔۔۔عرب ملک نے بڑی خوشخبری سنادی

اسلام آباد ( مانیٹرنگ ڈیسک ) قطری وزارت صحت نے مملکت میں کام کرنے والے غیر ملکیوں کو صحت کی بہترین سہولیات کی فراہمی سے متعلق خوشخبری سنادی۔تفصیلات کے مطابق قطر میں آجروں کو تارکین وطن اور ان کے خاندانوں کے لیے ہیلتھ انشورنس فراہم کرنے کا پابند کر دیا گیا۔اس حوالے سے ایک سینئر قطری عہدیدار نے کہا ہے کہ قطر

 

 

 

 

میں آجر (کفیل) ملک کے امیر کے جاری کردہ ایک نئے قانون کے تحت مزدوروں، غیر ملکی ملازمین اور ان کے خاندانوں کے لیے ہیلتھ انشورنس فراہم کرنے کے پابند ہوں گے۔فی الحال غیر ملکی باشندے اور زائرین سرکاری ہیلتھ کارڈ کی برائے نام قیمت ادا کرکے مفت صحت کی بنیادی دیکھ بھال حاصل کر سکتے ہیں جبکہ آجروں (کفیل) کو اپنے ملازمین کے لیے کوئی اضافی نجی ہیلتھ انشورنس فراہم کرنے کی ضرورت نہیں ہے۔قطر میں وزارت صحت عامہ نے بدھ کے روز جاری کردہ بیان میں کہا کہ “نئے قانون کی بنیاد پر ملک میں آنے والے تمام تارکین وطن اور زائرین کے لیے ان کے انشورنس کوریج سسٹم کے مطابق لازمی ہیلتھ انشورنس سسٹم نافذ کیا جائے گا جو انہیں نگہداشت کی سروس فراہم کرنے والے متعدد سرکاری اور نجی شعبے بنیادی صحت کی سہولیات فراہم کرتے ہیں۔یہ قانون جو کہ قطر نیوز ایجنسی نے شائع کیا تھا سرکاری اخبار میں شائع ہونے کے چھ ماہ بعد نافذ العمل ہوا ہے۔ نئے قانون میں یہ بھی کہا گیا ہے کہ قطر آنے والے تمام زائرین کو صحت کا انشورنس پلان لینا ہو گا جو کہ اس ملک میں رہتے ہوئے اگلے سال فٹ بال ورلڈ کپ کی میزبانی کرے گا۔

Sharing is caring!

Categories

Comments are closed.